កម្លាំងប្រជាការពារក្នុងភូមិវត្តបូព៌ ទទួលបានអំណោយពីសម្ដេច ពិន សែម អាជ្ញាធរមូលដ្ឋាន និងសប្បុរសជន ដើម្បីលើកទឹកចិត្ត និងជួយសម្រាលជីវភាពប្រចាំថ្ងៃនៅរសៀលថ្ងៃទី២៦ ខែកញ្ញា ឆ្នាំ២០២៦នេះ កម្លាំងប្រជាការពារចំនួន ៤០នាក់ នៅទីស្នាក់ការភូមិវត្តបូព៌ សង្កាត់សាលាកំរើក ក្រុងសៀមរាប បានទទួលគ្រឿងឧបភោគបរិភោគ និងសម្ភារប្រើប្រាស់ជាអំណោយរបស់ សម្ដេចព្រះព្រហ្មរតនមុនី ពិន សែម អាជ្ញាធរមូលដ្ឋាន រួមទាំងសប្បុរសជន ដើម្បីជួយសម្រាលជីវភាព លើកទឹកចិត្ត ជូនដល់ប្រជាការពារភូមិដែលបានបំពេញការងារយ៉ាងសកម្មក្នុងមូលដ្ឋាន និងការត្រៀមរៀបចំសន្តិសុខសណ្តាប់ធ្នាប់ នាពិធីកាន់បិណ្ឌ។លោក សាម ឡន ចៅសង្កាត់សាលាកំរើក មានប្រសាសន៍ថា ការរៀបចំកម្មវិធីចែកអំណោយនេះគឺជាការលើកទឹកចិត្ត និងការចូលរួមចែករំលែកពីសំណាក់សប្បុរសជន និងអ្នកពាក់ព័ន្ធ ដើម្បីជួយដល់ប្រជាការពារភូមិវត្តបូព៌ ដែលតែងតែមានសកម្មភាពយ៉ាងសកម្មក្នុងការជួយសម្រួលដល់សន្តិសុខ សណ្ដាប់ធ្នាប់និងសុវត្ថិភាពក្នុងមូលដ្ឋានឱ្យមានសុវត្ថិភាព។លោកចៅសង្កាត់ បានបន្ថែមទៀតថា សកម្មភាពការចែកអំណោយនេះជាការលើកទឹកចិត្ត និងជាការយកចិត្តទុកដាក់ខ្ពស់ពីសំណាក់សម្តេចសង្ឃព្រះព្រហ្មរតនមុនី ពិន សែម និងរដ្ឋបាលសង្កាត់ ក៏ដូចជាសប្បុរសជននានា ដែលបានឧបត្ថម្ភ ។ជាមួយគ្នានេះ ប្រជាការពារមកដែលទទួលបានអំណោយ បានសម្តែងការអរគុណ និងក្តីរីករាយ ចំពោះការយកចិត្តទុកដាក់ និងការជួយឧបត្ថម្ភ ដែលបានចូលរួមសម្រាលបន្ទុកជីវភាពរបស់ពួកគាត់ ។គួរឱ្យដឹងថា កងកម្លាំងប្រជាការពារភូមិវត្តបូព៌ បានរួមចំណែកយ៉ាងសកម្មក្នុងការថែរក្សាសណ្ដាប់ធ្នាប់សុខសុវត្ថិភាពជូនប្រជាពលរដ្ឋក្នុងមូលដ្ឋាន ដោយបានលះបង់ពេលវេលា និងការចំណាយថវិកាផ្ទាល់ខ្លួន ក្នុងការជួយសម្រួលដល់សណ្តាប់ធ្នាប់សុខសុវត្ថិភាពប្រជាពលរដ្ឋ។ ចំពោះអំណោយដែលផ្ដល់ជូននាពេលនេះ មាន អង្គរ ទឹកត្រី ទឹកស៊ីអីវ គ្រឿងឧបភោគបរិភោគ និងសម្ភារចាំបាច់មួយចំនួនទៀត៕អត្ថបទ៖ លោក ឡាច ទីនផាកែសម្រួល៖ លោក អ៊ុន ណារាជ្យ
ចំនួនអ្នកទស្សនា
វីដែអូ